هل صحيح أن المصرية للسيارات بتقسط على خمس سنوات بدون فائدة ؟
لو حد سأل أو جرب ياريت يقول أيه الموضوع:fool:
عرض للطباعة
هل صحيح أن المصرية للسيارات بتقسط على خمس سنوات بدون فائدة ؟
لو حد سأل أو جرب ياريت يقول أيه الموضوع:fool:
با راجل انت بتصدق كلام الجرايد
المصرية شغالة مع سيتى بنك
كفاية كلمة سيتى بنك وانت تعرف
المصريه كل كلمهم هلامي و مش بتاخد منهم حق ولا باطل
و اسوأ شركه في التقسيط و بياخدوا فلوس كتير.
عليك و علي كونتاكت او عبد اللطيف جميل او لو عاوز بنك يبقي باركليز
منغير سؤال لا طبعااقتباس:
هل صحيح أن المصرية للسيارات بتقسط على خمس سنوات بدون فائدة ؟
دول لو عندهم سنة بدون فوايد يبقى ممتاز و اكيد معندهمش (لانهم موزع يعنى بيدفعوا تمن العربية و بيحطوا عليه مكسبهم فلو قسطوا باقى التمن على سنة واحدة بس فلوسهم هتبقى متعلقة يعنى تدفع مبلغ و تسترده بعد سنة اكيد لأ لان قيمة الفلوس بتقل جامد اوى فى مصر.
انسى اى تقسيط منغير فوايد فى مصر الا فى سلعة مش عارفين يبيعوها و عايزين يخلصوا منها
معندهمش تقسيط بدون فوائد و أسعار التقسيط اللي فالجرايد كلها غلط وكذب و ده عن تجربة في الباليو كان مكتوب أقل قسط 538 ده لو حتدفع مقدم 10% و احنا دفعنا مقدم حوالي 75% و القسط كان 620 على خمس سنين بس الحمد لله ربنا تاب علينا و سددنا تمنها عشان لو كملنا قسط كانت حتفرق حوالي 16ألف فايدة!!!!!!! و حرمنا نجيب حاجة قسط بعد كده و أنصح الجميع بكده الا لو كان واثق فاللي بيقسط من عنده.
المصرية حرااااااااااااااااااااااا ااااااامية ..... كلام جرايد وفوائد عالية ......... وإشتغالات في التأمين
بنك إسكندرية محترم بيقسط على خمس سنين بدون مقدم وفايدة 7.2% بس لازم تحويل مرتب وقيمة القسط بتوصل لحد 50% من المرتب
بس إبعد عن الحرامية قصدي المصرية
مافيش حاجة ببلاش
المصرية للسيارات شركة سمعتها في الحضيض
وأغلب إعلاناتها نصب
مش حضيف أكتر من إللى إتقال ميزتهم الوحيدة أنك بتلاقى أغلب الموديالت عندهم تقدر تروح تتفرج وتقلب براحتك من غير ما حد يقلك بتعمل إيه ؟
+1000000000
سمعتهم الهلامية دي حابوها من الإعلانات اللي بتنزل كل يوم في جرنال شكل ..
و أنا فاكر أنهم كانوا في فترة في إعلاناتهم من 3 أو 4 سنين كدة كانوا بيكتبوا ادفع المبلغ دة واستلم العربية و طبعاَ بيبقى مبلغ حوالي 90% منثمن العربية فالمشتري يفتكر إن دة سعر العربية بس كانوا بيكتبوا بخط صغير جداَ جداَ في الإعلان من تحت و الباقي على سنة ..
و حكاية أقل قسط دي لما تدفع 80% مش أقل من كدة ..
:):)
الموضوع كل اللي فيه ان حضرتك بتحط وديعة في السيتي بنك بتمن العربية والارباح في خلال الثلاث سنين بتكون اعلى من سعر الفائدة على العربية
مثلا
تمن العربية كاش 100 الف
الفايدة 7% سنويا
يعني تمن العربية 121 الف على 3 سنين
لو حطيت في البنك وديعة ب 100 الف
الفائدة السنوية 8%
يعني الوديعة بعد 3 سنين هاتكون 124 الف جنيه
يبقى حضرتك اخدت العربية بالتقسيط على 3 سنين بدون فوائد وكسبت 3 الاف جنيه كمان
وده بالظبط اللي عامله صاحبي في عربيته الالنترا اللي اشتراها من مصرية
وكله نصب في نصب وبدل ما تبقى حاجة واحدة حرام هاتكون حاجتين فايدة على السيارة وربح بنك ربوي (الذنب دوبل) يعني اول كرسيين في جهنم
أنا اشتريت من المصرية سيارة دايهاتسو سيريون 2009 بالقسط على 5 سنين و دفعت 50000 مقدم و تأمين و رسوم و 38000 قسط المهم هما مش سيئين الى جانب هما مريحين فى التعامل و تقدر تشوف كل الموديلات عندهم و تختار براحتك لكن القسط فى مصر فى أى شركة زى بعض الفروق كلام فارغ لأن البنك هو اللى بيقسط مش المصرية أو غيرها. اللى عايز أنبه عليه أى واحد بيستلم سيارته من أى معرض يفحصها بدقة تامة سواء الدهان أو الصالون أو البطاريات او الكاوتش و الكلام هنا على الزيرو مش المستعمل لأن ممكن يلبسك سيارة فيها خبطة أو جروح و مش باينة قوى و تلقى نفسك لابسها زى الباشا و ده بيحصل للسيارة أثناء نقلها داخل المعرض أو الغسيل و ده كان حسحصل معى فى السيريون و اكتشفت خدوش فى الشنطة و الاكصدام الخلفى اللهم هل بلغت اللهم فاشهد
"يمحق الله الربا ويربى الصدقات"
السبب الحقيقى فى الازمة الاقتصادية العالمية =====> "الربا"